Wana Kerthi – Sabdaning Taru Mahottama

 

Wana Kerthi – Sabdaning Taru Mahottama

            Tusing cara biasane, bangku kelase ane ebek kategakin murid rikala jam sekolah, jani tusing cara ipidan. Sasukat penyakit wabah virus corona ngelimbak ring sejabaning jagat, para sisiya nadak melajah uli jumah. Punika taler himbauan saking pemerintah mangda state naatin protocol kesehatan, minakadi nganggen masker, nyaga jarak, lan ngejohin genah –genah sane rame.

            I Made Layu sisiya kelas III SD ngerasayang pisan melajah uli jumah utawi Belajar Dari Rumah (BDR) krana I Made Layu tumben ngainin soal ane kekirimang olih gurune lewat HP. Dina meganti dina I Made Layu nyansan bisa ngainin tugas sane kekirimang liwat HP olih Gurunyane. Dikenehne I Made Layu “ buin pidan ye kanti gumine buka kene, masuk ke sekolah konden ade kepastian, buin pidan lakar dadi masuk.

            Sang Hyang Surya sampun nyejer ring tengah – tengah, panes nyenter, sehasa I Bapa Made Layu mekita meli es apanga ilang bedakne tur ngilangin panes lan ngai tis. I Bapa Made Layu mekaukan “ de made” Made Layu “ inggih Bapa”  I Bapa Made Layu “ De beliang Bapa es sik men sungkrege, es campur de jangine tape jak de jangine susu, ne bange pis 20.000 sisane Made be nyuang. Made Layu “ enah Bapa”  Gegeson I Made Layu ngenggalang mejalan ke warungne men sungkreg ngaba pipis 20.000 tur ngengsap nganggon masker. Dagangane Men Sungkreg megenah ring sisi jalan rayane, pas dinane ento ade razia masker, nyidak para krame sane nenten ngangge masker rikala mesu uling jumah. Teka lantas I Made Layu sane tusing nganggo masker, lantas I Made Layu kererenang olih petugas razia masker adane Pan Poli “ Lakar kija gus adi sing nganggon masker? I Made Layu “ titiang jagi meli es campur Pak, niki di warung Men Sungkrege. Pan Poli “ gus yening mani manian gus pesu uling jumah, inget anggon maskere nah?. Gus kan suba nawang gumine jani nak uyak virus adane virus corona ane ngelikubin gumi lan sanget bahaya to gus. Made Layu “ inggih Pak tityang nunas ampura nggh, yening benjang – benjangan tityang pesu lakar anggon tityang maskere Pak” Pan Poli “ nah ne ade masker, ne malu anggo nah gus, dumogi jai raga sareng sami slamet lan rahayu, joh uli sane keadanin kena virus “ I Made Layu “ inggih Pak, astungkara lan suksma.

            Ngelanturang mejalan I Made Layu ke dagangane men sungkreg, I Made Layu “ belanja belanja”  Men Sungkreg “ yeh Gus. Meli apa Gus ? I Made Layu “ meli es campur  mek de jangine tape lan de jangine susu” Men Sungkreg “ akuda meli Gus?”  Made Layu “ siki manten mek” Men Sungkreg “ niki Gus aji 5.000 tali ne susukne bin 15.000 tali. I Made Layu “ suksma mek”

            Disubane maan meli es campur I Made Layu ngelanjutang pejalane ke umahne. Dijumahne Bapa Made Layu suba ngantiang. “ adi mekelo dan de” Made Layu “ nggih Bapa mae titiang kena razia masker, bakat sing nganggo masker pesu, rerenange titiang dijalan Bapa tur bange masker” Bapa Made Layu “ nah mani manian yen pesu ingetang nganggo maskere”  Made Layu “ inggih Bapa.

            Didurin pekarangan umahne Meme Made Layu nanem kunyit, jahe miwah isen, krana tanem taneman punika prasida keanggen obat, ritatkala wenten sane keni penyakit. Minakadi metatu, obat sane keanggen, kunyit cakcakang usan punika ketempelang ring tatune. Yen merasa awak dingin dados anggen jahe meencak wusan punika celepang di yeh angete wawu minum, kocap jahe puniki prasida keanggen nolah penyakit virus corona. Siosan nanm kunyit , isen, miwah jahe, I Meme Made layu taler seneng pisan nanem sekancan bunga bungaan, mangda bunga tetep lestari lan nenten punah jenisnyane. I Meme Made Layu mekaukan “  Made mai jemakang Meme punyan bunga mawar e ane beten punyan dadape” I Made Layu “ inggih Meme” Meme Made Layu “nah jani mai barengin Meme memula bunga maware ene, ane barak jang sikaja, mawar ane putih jang bedangin, ane kuning jang bedauh”. Made Layu “ enah Meme, suud nanem nenenan lan mereren nyak Meme, Meme suba uling tuni mekedas –kedas tur nanem sekancar ubi ubian miwah bunga” Meme Made Lonto “ enah de, suud ne ajaka mereren, Meme suba kenjel masi, sakewala meme demen pesan. Meme meutsaha nyaga lingkungan ene apang tetep asri lan lestari. Keto masi Made yening buin pidan, Made suba mekurenan, ajahin kurenan Made ne apang state nyaga lingkungan lan tetep ngemula obat obatan tradisional. “ I Made Layu “ inggih Meme.”

            Mejalan I Meme ke bale bengong dinatah umahne, ditu lantas I Meme Made Layu, mecerita dugas enu bajang, dugas enu bajang Meme liu san nak ngalih ngalih ajakine medemenan, nanging Meme enu milih milih masih, ken ane cocok teken dewek Memene. Nah buka Bapan Made ne tusing pati ngeraos, sebilang tepuk meme ye ramah mekenyem lan hoby Memene lan Bapan Made ne patuh, mekebun lan metanem-taneman.ditu lantas Meme jatuh tresna ngajak Bapan Made ne, keto nyen cerita Memene lan nganti jani tresnan Memene tusing ja ilang ape buin mekuang tekening Bapan Made ne. Bapa Made Layu mekenyem tur anggut anggut sehasa nyautin “ beneh saja keto Memene, nah kuangan beline Memene ne je pang ngenepin, keto masi ne kuangan Memene Bapa ne kel ngenepin. Men jani Made kenken? Be ngelah gegelan?” I Made Layu “konden pe, mirib sing ade ne nyak ajak padewekan Made ne” Bapa Made Layu “ tusing ja keto de, nak mekejang be ngelah jodoh, yakin jak percaya pasti kel nemu ne pas, sakewala pegidih Bapa yen nu umur Made ne sedeng mangane melajah, melajahang malu ragane de, buin pidan made be wikan sinah ditu pasti ade ne ngugu dewek Made ne” Made Layu “ inggih Bape I Meme Made Layu nyaut nimpalin “saja beneh keto de, ingetang pesan nyen pabesen I Bape” I Made Layu “ nggih – nggih Meme, ngiring dong Meme minum malu yeh e ajak Bapa pede.

            Sang Hyang Surya sampun soyoh kauh, keto masi kedis kedise, mekejang ngalih tongos medem, ditu lantas I Made Layumanjus ke tukade, disisin tukade I Made Layu nepuk ada botol plastic lan tas plastik ane mebrarakan, langsung I Made Layu munduhang lulune ento kepilah lan kegenahang di genah sampah plastik. I Made Layu sadar yening nenten iraga sane nyaga gumine ene, nyen buin kel orahin, keto masi para anom anome mangda setata nyaga bumi puniki lan tetep lestari sinalih tunggilnyane ngerawat gumi inggih punika nenten ngutang luu plastik utawi botol mebrarakan ring tanah, krana yening botol miwah luu plastik mecampur ring tanah sukeh pisan menyatu, punika mawinan botol plastik miwah luu luu plastik mangda state kepilah utawi kedaur ulang mangda dados barang sane medue kawigunannyane. Kricikan yeh tukad e sehasa ngauk –ngaukin keneh I Made Layu apang setata nyaga alam puniki mangda tetep lestari. Suud manjus I Made uli tukade ritatkala mejalan ngemulihang di tengah jalan I Made Layu nepukin ade panak kedis ne metatu, lantas keduduk ke abe mulih. Disubane ked jumah I Made Layu ngubadin kedis e ento lan kebaang ngamah nganti kedis e ento seger kelebang malih ke tegale apang e kedis tusing punah lan terus memanakan. I Made Layu mula demen pesan ajak sekancan soroh beburon minakadi kedis, kuluk, kelinci, siap, kambing, miwah sane siosan. Krana I Made Layu ngelah pepineh yening iraga setata nyaga lan nyayangin sekancan ciptaan Ida Sang Hyang Widhi, pastika iraga nenten je bakalan kuangan yening idup di gumine. Pinaka conto yening anake demen miara tetaneman sinah pacang aluh ngalih anggon jukut, keto masi yening anake demen miara siap utawi bebek pasti maan taluh, yen anake demen miara kedis sinah munyin kedise sane ngulangunin kayun lan prasida ngicalang sekancan sungsut sane wenten manah. Keto pepineh I Made Layu lan ento mawinan I Made Layu setata nyaga alam mangda tetep asri lan lestari.